بدون عنوان

جربت تعمل كدة .......طب لية؟

جربت تعمل كدة .......طب لية؟                                      

حمدى   انت جربت تعملها ،   او حتى فكرت فى كدة ، والا مجتش على بالك اصلا، طب هى حاجة سهلة والا صعبة ، ممكن تكون مستحيلة ، طب تيجى نفكر مع بعض

 احنا لية مش بنعمل كدة ؟  طب الى بيعملوا كدة بيعملوها لية ؟ بيحسوا باية لما بيعملوا كدة ؟

   حمدى: عليةهما مين الى بيعملوا كدة؟

علية:1- اقولك  واحد راجع من السفر او واحد مسافر

واحد فرحان او واحد زعلان-2

واحد منتصر او واحد مهزوم-3

- لاعب كورة مثلا بعد مباراة ناجحة4

5- ممكن يكون اصحاب بيلعبوا الشايب ويحكموا على واحد انة يعمل كدة

اعتقد ان  هما دول الى بيعملوا كدة وغيرهم كمان

حمدى: هما بيعملوا كدة لية بيحسوا باية وقتها؟

علية:ممكن يكونوا بيحسوا بفرحة او بحنين وحب وممكن رغبة فى كدة وممكن من غير احساس معين والله مش عارفة مجربتش اعمل كدة

علية: انت تفتكر اية السبب وراء كدة؟

حمدى:مش عارف انا بصراحة مش بعمل كدة ومشفتش حد بيعمل كدة  هو انتى شوفتى؟

علية:طبعا امال انا بسال ازاى

حمدى: مش قصدى شوفتى كدة على الحقيقة والا فى التلفزيون

علية:شوفت على الحقيقة بس للاسف معرفتش اسالة انت لية بتعمل كدة

حمدى: استنى انتى اصلا مقولتليش اية هو الى (كدة الى بتتكلمى عنة)

علية:ياااااااااااااة بجد وانت عمال تتكلم واخدنى على اد عقلى  ماشى حعديهالك المرة دى

انا بتكلم عن الناس الى بيرقعوا ويبوسوا تراب مصر لية بيعملوا كدة ويوطوا قدام الناس واغلابهم بيكونوا ناس مهمة ونجوم وغيرهم ممن هم اصحاب مكانة فى المجتمع

طب لية كل دة تفتكر اية هو السبب؟

حمدى:بصراحة انا عمرى مفكرت اعملها ابدا

علية: وانا كمان حسة انى مش ممكن اعمل كدة لكذا سبب

مش حوطى قدام الناس واركع كدة انا بنت

وحتى لو مفيش ناس مش حبوس تراب او ارض كل الناس بدوس عليها برجليهم

والاهم من دة كلة مبحسش بكل الحب دة لو الموضوع اصلا بدافع الحب لادرجة انى ابوس تراب مصر  اصل مصر مش بس تراب وانى لو مبستهوش يبقى مبحبهاش والا انت رايك اية؟

للدرجة دى خلصت كل الحاجات الى المفروض علينا نعملها ومبقاش فاضل غير بوس الارض

طب عندى فكرة حتعود علينا كلنا بالنفع سواء الى بيبوس او الى مبيبوس

نضفوا الارض الاول وبعدين بوسوها اهو تبقوا عملتوا حاجة مفيدة 

علية نبيل

أرسل تعليق
من:	*  عضو مسجل: [ دخول / التسجيل ]
* عنوان الموقع:
* البريد الإلكتروني:
الموضوع:
* النص:
* الرمز: